Home Local news தாக்குதலில் ஈடுபட்டவர்களிற்கு புனர்வாழ்வளியுங்கள்: சொன்ன நாமலிடம் சிஐடி வாக்குமூலம்!

தாக்குதலில் ஈடுபட்டவர்களிற்கு புனர்வாழ்வளியுங்கள்: சொன்ன நாமலிடம் சிஐடி வாக்குமூலம்!

காலி முகத்திடலில் மே. 9 ஆம் திகதியன்று இடம்பெற்ற சம்பவம் தொடர்பில், ஸ்ரீ லங்கா பொதுஜன பெரமுனவின் பாராளுமன்ற உறுப்பினர் நாமல் ராஜபக்ஷவிடம் குற்றப்புலனாய்வு பிரிவினர் வாக்குமூலம் பெற்றுக்கொண்டிருக்கின்றனர்.

இதேவேளை, இன்று நாடாளுமன்றத்தில் உரையாற்றிய நாமல், கோட்டகோகம மீதான தாக்குதல் தொடர்பிலான விசாரணைகளுக்கு பூரண ஆதரவை வழங்குவதாக தெரிவித்துள்ளார்.

சம்பவம் தொடர்பில் குற்றப் புலனாய்வுப் பிரிவினரால் பெயரிடப்பட்ட அனைவரும் குற்றப் புலனாய்வுப் பிரிவினரால் கோரப்பட்டவாறு சரணடைந்துள்ளனர் அல்லது வாக்குமூலங்களை வழங்கியுள்ளனர் என தெரிவித்தார்.

கொலைகளில் ஈடுபடுபவர்களுக்கு எதிராக கட்சி அரசியல் பாகுபாடின்றி சட்டத்தை அமுல்படுத்த வேண்டும் எனவும், அவ்வாறு செயற்படாவிட்டால் சட்டம் ஒழுங்கு மற்றும் சமூகம் சீர்குலைந்துவிடும் எனவும் அவர் தெரிவித்துள்ளார்.

வன்முறைச் சம்பவங்களுக்குப் பின்னால் அரசியல் நோக்கத்துடன் வன்முறைச் செயல்களை வழிநடத்தும் ஒழுங்கமைக்கப்பட்ட குழுக்கள் மற்றும் தாக்கத்திற்குப் பிறகு சம்பவங்களில் ஈடுபட்ட இளைஞர்கள் என இரண்டு குழுக்கள் இருப்பதாக அவர் கூறினார்.

தூண்டப்பட்டு வன்முறைகளில் ஈடுபட்ட இளைஞர்கள் புனர்வாழ்வளிக்கப்பட வேண்டும் அதேவேளை, தாக்குதல் மற்றும் தீவைப்புச் செயல்களை வழிநடத்தியவர்களுக்கு எதிராக சட்டம் அமுல்படுத்தப்பட வேண்டும் எனவும் அவர் தெரிவித்துள்ளார்.

Google News

ஏனைய தளங்களிற்கு செல்ல..

உங்கள் பிரதேச செய்திகளை இலகுவாக அறிந்துகொள்ள..
Previous articleபெரிதும் எதிர்பார்ப்பை உண்டாக்கிய கோப்ரா படத்தின் ரிலீஸ் தேதி இதோ !!
Next articleவலிமை பட வசூலை முந்தியதா டான் திரைப்படம் வெளியான வசூல் ரிப்போர்ட் இதோ !!